Како може Астрологијата да се третира сериозно, кога се темели на геоцентричниот систем?
 

Ова е еден од клучните аргументи што со задоволство го користат противниците на Астрологијата, обидувајќи се на тој начин да не убедат дека астролозите се неинформирани и се уште веруваат дека Земјата, а не Сонцето е во центарот на сончевиот систем. Но, тоа е уште еден доказ дека тие луѓе не ја познаваат добро материјата за која зборуваат. Имено, тоа што Астрологијата се темели на геоцентричниот систем не значи дека астролозите зачмаени во средновековната мисла веруваат дека Сонцето се врти околу Земјата, а не обратно.

Напротив, Астрологијата не се занимава со прашањето дали Земјата е рамна плоча или е округла, туку таа ги забележува случувањата на Небото и ги споредува со оние на Земјата. Бидејќи, според Hermes Trismegistos “Како што е горе, така е и долу. Како што е внатре, така е и надвор”. Оттука, се што се случува горе (на Небото) мора да најде одраз и долу (на Земјата). А, како што е внатре (во секој човек), така е и надвор (во неговиот живот, во неговиот микрокосмос).

Значи, Астрологијата ја става Земјата во центарот на своите проучувања. Зошто? Бидејќи ние луѓето живееме на Земјата, не на Сонцето. Затоа, астрологијата се интересира за тоа што се случува на Небото над Земјата и како би можело тоа да се одрази на човечките животи.

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.