Astroscopia - Натална Карта

До сите најважни информации за вас можете да дојдете користејќи ги следните извори:

Рачно изработена Натална Карта и лично толкување од страна на астрологот, на средба во траење од 2 часа. Според старата метода. Чини 150 €. Во оваа услуга НЕ ја добивате Наталната Карта во напишана форма. Средбата се закажува кога астрологот има слободен термин, најмалку во рок од 15 работни дена. Средбата е во четири очи и не се изведува ниту по телефон, ниту на Skype.
Напишана верзија на вашата Натална Карта. Тоа е астропсихолошки портрет на вашата личност напишан на повеќе од 60 страни. Наталната Карта чини 50 €. Ќе ја добиете веднаш во вид на PDF. Со купувањето добивате и можност за 40 минутен телефонски разговор со астрологот. Разговорот е подарок. Разговорот се закажува кога астрологот има слободен термин и не се изведува преку Skype.
Предвидувања за следните 5 години. Тоа е опис на глобалните случувања во вашиот живот во следните 5 години. Содржат од 17 до 20 страници. Чинат 140 €. Предвидувањата се добиваат исклучиво во напишана форма, во вид на PDF.
Соларен Хороскоп (годишен). Тоа се прецизни предвидувања за периодот од еден до друг ваш роденден. Соларниот Хороскоп можете да го добиете:
– напишан, во PDF формат (содржи од 17 до 20 страници - цена: 150 €, не вклучува средба со астрологот)
или
– на средба со астрологот во траење од 2 часа, на која самите ќе си го запишете Соларниот Хороскоп. Чини 165 €. Разговорот е во четири очи и не се изведува ниту по телефон, ниту на Skype.
Половина час разговор на телефон ќе ве чини 20 €. Еден час телефонски разговор чини 37 €. Еден час средба со астрологот во четири очи чини 74 €. Ако немате прашања поврзани со иднината, Услов е да имате купено Натална Карта. Доколку имате прашања поврзани со иднината, освен Наталната Карта, треба да имате купено Предвидувања за следните 5 години на кои не им е истечен рокот или Соларен Хороскоп за актуелната година.

* За да нарачате Предвидувања, Соларен Хороскоп или консултации, задолжително е прво да ја купите вашата Натална Карта на Астроскопиа. Итните консултации и средбите за време на викенд се наплатуваат двојно. Консултациите не се изведуваат ниту по телефон, ниту на Skype, туку на лична средба.

Нарачката и плаќањето на горенаведените услуги се вршат преку сајтот. За таа цел, внесете ги вашите податоци и кликнете на „Пресметување“. На следната страна што ќе ви се отвори, од лево ќе го добиете бесплатниот примерок на вашата Натална Карта. Од десно се наоѓаат копчињата за нарачка. Кликнете на копчето со името на услугата што ја барате. Ќе ви се отвори страната за плаќање. Откако ќе ја извршите уплатата, ќе добиете пристап за даунлодирање на вашата Натална Карта или известување за терминот кога ќе биде реализирана услугата што ја барате. Целата комуникација се врши преку имејл адресата што ќе ја оставите при плаќањето, а не на Messenger, ниту по телефон.

Што е натална карта?

Јас наталната карта ја нарекувам „упатство за работа на себе“, бидејќи наталната карта не е нешто конечно и непроменливо. Таа е само збир од предиспозиции за формирање на вашиот карактер и судбина кои ги носите од моментот на раѓањето. Од друга страна, до информациите што од наталната карта ќе ги дознаете, би можеле да стигнете и на друг начин, по години и години самоанализа (под услов да сте објективни), преку посета на психолог, со помош на разните видови психотерапија, како и преку практикување на цела палета останати духовни дисциплини. Меѓутоа, на овој начин информациите за себеси ги добивате веднаш, со едно кликање, со што заштедувате и време и пари. А, бидејќи нашиот карактер ја креира нашата судбина, откако ќе го запознаете сопствениот карактер би можеле драматично да ја смените и својата иднина.

Зошто би требале да нарачате натална карта токму на Астроскопиа?

Во моето долгогодишно астролошко искуство најчесто наидував на натални карти кои објаснуваа какви сте, каков е вашиот карактер. Меѓутоа, речиси никоја не ги објаснуваше причините зошто е тоа така. До одговорот на тоа прашање дојдов со текот на годините, со искуството и преку проучувањето на останатите духовни дисциплини. Астроскопиа е начинот преку кој можам своите сознанија да ги споделам со вас. Така, наталната карта на Астроскопиа ги објаснува причините за вашето однесување, мотивите на вашите реакции. Со тоа половина работа е завршена, бидејќи непријателот (негативните особини што креираат лоша судбина) ја губи силата кога е откриен и именуван.

А потоа, Астроскопиа ви го открива и начинот како би можеле да ги победите негативните обрасци во вашиот карактер и да ги претворите во позитивни. Всушност, енергијата која ја поседувате не може да биде ниту негативна, ниту позитивна. Негативен и позитивен е само начинот на кој истата ја користите.

Од друга страна, наталната карта ги открива и вашите таленти, како и начините истите да ги реализирате на материјален план.

Кој не треба да нарача натална карта на Астроскопиа?

Ако сакате некој да ве гали, да ви се додворува и да ви кажува дека сте најубавата, најдобрата, најпаметната личност на светот, дека ќе живеете без никаква мака во среќа, љубов и богатство до крајот на животот, тогаш „чукате на погрешна врата“. Астроскопиа нема да ви стави „розови очила“ само да ги извлече парите од вас. Затоа, подобро е да си нарачате натална карта на друго место.

Но, ако сте со „силен желудник“, здрави нерви и ако не се плашите да ја чуете вистината за себеси, тогаш сте на вистинската адреса. Наталната карта на Астроскопиа е шлаканицата што ви е потребна да се разбудите од илузиите во коишто до сега се успивавте. Всушност, наталната карта на Астроскопиа е како секој добар родител. Родителот исполнет со љубов смислено ве поддржува, ве фали, ви помага да се разберете себеси, но и ве критикува кога е потребно, со цел да ви помогне да пораснете во зрела и одговорна личност. Само така ќе можете да го живеете животот со „полни гради“, комплетно.

Со други зборови кажано, наталната карта на Астроскопиа е шлаканицата што ви е потребна да го направите квантниот скок во вашата судбина.

Притоа, не заборавајте дека во никаков случај не ве осудувам, бидејќи и јас сум како вас само несовршен човек кој се труди да го најде патот кон совршенството.

Што е разликата меѓу личниот контакт со астролог и наталната карта на Астроскопиа?

Од моето искуство со клиентите, свесна сум дека ништо не може да го замени личниот контакт со астрологот. Во директниот контакт се случува размена меѓу енергетско-информационото поле на астрологот со она на клиентот. На тој начин, би можеле да добиете и многу други информации кои се невербални. Тие информации можат да ви дадат позитивен импулс за моментни промени во животот. Но, под услов астрологот да има расчистено со негативните аспекти на својата личност, да ги сака луѓето, да е подготвен постојано да ги корегира своите погледи на светот и што е најважно, астрологот треба да има повисоко ниво на свест од клиентот.

Меѓутоа, наталната карта на Астроскопиа нуди нешто што личниот контакт не може да го понуди. Прво и можеби најзначајно, ќе дознаете многу подлабоки работи за себеси кои што никогаш не би можела да ви ги кажам гледајќи ве во очи, од страв дека би можела да ве засрамам. Потоа, кога ја имате вашата натална карта во напишана варијанта, ќе можете во секој момент, во текот на целиот свој живот, да се потсетите на важните аспекти од вашата личност и да се споредите со себеси во тој момент, откривајќи дали и колку сте напреднале во сопствениот развој.

Кој може да нарача натална карта на Астроскопиа?

Астроскопиа е сериозен сајт. Па, наталната карта што тој ја нуди е исто така сериозен производ, набиен со многу информации. Затоа, со цел правилно да ги сфатите, би требало да имате барем некакво животно искуство. Јас не би ви препорачала да нарачувате натална карта пред да наполните 18 години.

Како да ги користите информациите што ќе ги добиете со наталната карта?

Со цел да видите до каде сте стигнале на својот пат на емотивната и духовна зрелост, но и со цел да проверите во кој правец одите и со која брзина, би било добро од време на време повторно да и се навраќате на вашата натална карта.

Запаметете, вие секогаш имате право да изберете по кој пат ќе продолжите, вие секогаш можете да ја измените иднината преку постапките и изборите што ги правите во сегашноста. Затоа, нека вашиот живот не биде само роман што сте го прочитале, туку роман што сте го напишале сами.

Што ако не се препознаете во описот во наталната карта?

Навистина, можеби ќе има делови во вашиот опис кои ќе ви бидат непознати. Но, тоа не значи дека тие особини ги немате во себе. Можеби само вашето его не ви дозволува да ги видите. Можеби се уште не сте свесни за нив. Можеби не е дојдено вистинското време и ситуација за тие да се манифестираат. Но, исто така е можно и покрај предиспозициите, вашите особини да се делумно променети заради влијанието на семејството, околината, училиштето, заради работата на себеси или заради влијанието на некоја трауматична случка од вашето минато. Па, дури е можно тие да се сменети под влијанието на некој квазар што се нашол во близината на некоја од планетите, во моментот кога вие сте се родиле. Сепак, не се обидувајте со сила да се препознаете во она што го открива вашата натална карта.

И за крај, запомнете дека Господ секогаш ве штити, па дури и од вас самите. Затоа, од сите непријатни последици што би можел да ги предизвика вашиот карактер, најчесто ќе се соочите само со оние најблагите.

Што нема да добиете со наталната карта од Астроскопиа?

Вашата натална карта добиена преку Астроскопиа нема да ви даде предвидувања за вашата иднина. Нема да ви даде готови рецепти за животот. Нема ниту да го изоди наместо вас патот што треба вие самите да го изодите.